تعَالْ وشُوفْ في عينِكْ ....غِيابكْ وشْ عَمَلْ فيني

تِصَدِّق وإلا ما تِصَدِّق .. أنا عَاجِزْ عَنْ التفكير
url]

[size=25]حبيبي ما بُقى عِندي صَبرْ .. يتْحَمَّلْ التأخيـر
رَحَلتْ .. وعقبكْ الدنيا غلاها طاح مِنْ عينـي

أجَاوبْ اللِّي يسْألني عَنْ أخْبَاري وأقولْ بخيـر
وأنا لا خِير بغيابكْ .. ولا حَاجَـه .. تهنينـي

على طاريكْ كِلْ لحظه .. ولا أحتـاج للتذكيـر
حَريصْ القلب ما ينسَى عيونِكْ..لا توصينـي

مَحَدْ يِقْدَر يعَوِّضْنِي لأنِّكْ .. في عيُوني غيـر
ومَهْمَا شِفتْ أنا الفرحَه .. بدونِكْ ما تسلينـي

وكيف الحَالْ وشلوني .. جَوابٍ ما يَبي تفسير
بدونِكْ إنتْ ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِـدَرتْ آطيـر
أحَاولْ أبْتِسِمْ وأنْسَى ولكنْ ماذا ينسينـي..؟!

أشُوفِكْ في صباحي إنتْ مَعْنَى يا صباح الخيـر
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَـا تدبيـر
طِلَبتْ النُومْ .. لحظاته وعيَّا النُـوم يعطينـي

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفينـي

يا أغلى مِنْ رَحَل عنِّي يا كِلْ الحُبْ والتقديـر
تعَالْ: إنْ كان لِي عِندِكْ مَعَزَّه وكـان تغلينـي

تعَالْ: إنْ كِنتْ تعشقني وإذا فِعلاً تبي لي خيـر
تعَالْ: ومِدْ لِي .. كَفْ الوَصِلْ .. وآمِدْ كَفينـي

إذا كانْ الجِفا واجِبْ بدى مِنْ قلبـي التقصيـر
أبيكْ الحِينْ .. تِرجَعْ لِي ولا تِرجَـعْ تخلينـي

أنا ما أقولْ اللِّي صَار فِيني ما هقيتـه يصيـر
لأنِّي كِنتْ .. ( مِتأكِدْ ) .. بأنْ البُعـد ينهيني

شعر في قمة الروعة يادموع بجد حلو كتيييير
ياريت اذا عندك اوديو ترفعيه وتنزلي الرابط بكون كتير ممنونلك
سلمت اناملك الماسية ع براعة التعبير
وبراءة الاحساس
تقبلي مروري ..
تحياتي لالك ...

الآهـ فتـى ــات