همس المشاعر

يا ليت تدري


ساكن خيالك بعينى وانت ماتدري

انى بحبك اسابق فيك امالك

ياليت اقدر اوضح لك بعض امري

وارسل حروفي باسم الحب تهجالك

ياليت تدري عن الشوق الى ابصدري

ياليت احضى بلحضه يوم بوصالك

ياليت عينك صدفه تنظر بشعري

والا خيالى يمرفي يوم على بالك

اتمنى قربك لكن كيف ياعمري

ماتدري عنى ولاادري با احوالك

اتعبنى قلبي وصبري يشتكي صبري

ياليت عينى تشوفك واشتكي لك

ساكن بعينى وقلبي وانت ما تدري

انك حبيبي وساكن قلبي لحالك


--------------------------------------------------------------------------------

ماني قادر أنام

ماني قادر والله أنام .. طاير النوم من عيوني

أسرح وأتذكر أيام .. آه لو يعرفون شجوني

أخاف أتكلم وأنلام .. آه ياليت بس يفهموني

ياناس والله حرام .. ماني قادر أنام

والمشكلة اني حاسس انه فيني حاجه

خايف أنطق وأقول ويسون لي سالفه

ياناس والله حرام .. أنا والله ما أنلام

النوم طاير من عيوني ماصارت والله حاله

وقلبي والله العظيم مدري وايش جرى له

ياناس والله حرام .. هذي أحلى أيام

يعني طول اليوم أنا أفكر فيه وفيني ذاك الهيــام

كمان وقت النوم أفكر فيه و ماني قادر أنــام

ولو نمت أنام بالقوة وأفكر فيه في الأحـــلام

باختصار أنا أحب ياناس وهذا الحب ياســلام

أنا أحب وتمنوا لي التوفيق اذا تحبوني

شوفوا السهر باين في رموش عيوني

شوفوا ملامح اللهفـة ولا تلوموني

وماني أول من يحب ولا أنا الأخــير

بس اللي أحبه هو في حياتي الأخــير

وأنا أول انسان يعرفه و أنا الأخــير


--------------------------------------------------------------------------------

أكره غيابك

قالت تضيـق أن غبـت بالحيل قلت أيـه
أكـره حياتي كلها في غيابــك


وشلـون وأنتـي قلـبي ملكتيـه
أكيد نبضـه يختلف فـي ذهابــك


قالـت صحيـح..؟وقلـت ياغايتـي ليـه
ماتعرفيـن أنـي أمـوت بجنابـك


أعشــق وصالـك وأكـره الهجـر طاريــه
وأعيـش لحظات الغـلا في رحابـك


والليـل فـي ذكـراك تطــرب مساريـه
ويشوقنـي بالحـب لحظـة عتابــك


والقلـب لـو بيـدك جرحتيــه منّيــه
ماقـول غيـرإلا هــلا مرحبا بــك


القلـب وعيونـي وروحـي وراعيــه
كلهـن رصيــد مسجّــل فـي حسابــك


يفـداك من تمشـي على الأرض رجليـه
ويفداك من ذاق الغلا واعتـزى بـك


قالت حبيبـي,,وقلـت لبّيــه لبّيـه
لبّـا الخدود اللي زهـت في شبابـك


قالـت أحبـك والغـلا شـف مواريـه
وسط العيـون السـود يشكــي عذابـك


أنـت الحبيـب وباقـي الناس ما بيـه
أمـوت فـي لامـاك وأعشـق ترابـك


الحــب فـي عيونـك غرقـت بموانيـه
والشـوق وقّــف بي على حـد بابــك


ولو تلحق الشرهه حبيبي مشاريــه
مابيـع حبّـك دام قلبـي رضــى بــك


ميـرالدلـع مابيـن غالـي وغاليـه
أنـا أدرى أنـه مايزعّــل جنابـك


قلـت الدلـع والزيـن عندك مباديـه
والعـشق يحيا لأرتـوى مـن سحابـك


يااللي ورود الحـب فينـي زرعتيـه
وأنا كتـبت الشـوق داخــل كتابـك


ليـن الغـلا مـن نهـر حبـي سقيتيـه
وأحيا بساتين الغلا وأرتـوى بـك


يافرحــة الحاضـر بنكهات ماضيــه
أكــره حياتـي كلها فـي غيابــك




--------------------------------------------------------------------------------

أحبك وما أنلام

أحبك موت وما أنلام واللي يلومني أتحملـه

أسولف واياك في المنام وخيالك دايم أتخيلـه

مهما يقولوا من كلام حبنا محد يقدر يغيره

ومهما ينقال من ملام حبنا مافي من يتصوره

أنت فارس الأحـلام وأنت اللي بقلبي أفديه

أنت ملاك الغــرام و أنت اللي قلت أبيه

حبك عليه أنا ما أنلام واللي يلوم ما أفكر فيه

ماهمني لو كثر الكلام حبي ماينقص شي فيه

يمكن يزيد فيني الهيام ويزيد شوقي ويقويـه

أحبك موت وما أنلام واللي أنا أبيه أسويـه


--------------------------------------------------------------------------------

فقــير

فقير وعندي المال الكثير
فقير وملبسي غالي حرير
ويا صاحبي الحافي الفقير
ابنشدك ابسألك وشهو الحصير !!
وابسألك وشلون انا امر وانهي
واذا حكيت قبل انتهي من كلمتي
يقاللي سم ويصير
ولاشكيت من غفلتي طول زمنها
يقاللي لاتشتكي .. ماخلقت الشكوى لأمير
وابسألك وشلون انا مع كل ذا .. اقول عن نفسي فقير ؟؟؟
ياصاحبي لاصار للضحكه ثمن
وصاروا اصحابي كثير بس بثمن
والوفاء مابه وفاء الا بثمن
ابسألك ماني فقير ؟؟؟
ولاصارت اقوالي حكم
ولاقالها غيري غدت حكيٍ قديم
ابسألك ماني فقير؟؟
ولاصرت انا مانيب انا
ولاغلطت قالوا صحيح .. وكل شي اعمله يصبح عظيم
ابسألك ياصاحبي ماني فقير؟
وياصاحبي ابنشدك لامن جفتني دنيتي
وابتدأ الدرب الطويل اللى ابد ماينتهي
وانتهي العز القديم وماكنت اظنه ينتهي
والموت بدد فرحتي .. وحطوني في قبرٍ صغير
وحزنوا علي .. وبكوا هلي وناس من ربعي قليل
وارتاح من وجهي كثير
وبقيت وحدي في حيرتي مابه احد
لا طال عمرك ولا تحت امرك
ماغير انا وخوف ولحد وحساب قدامي عسير
وقتها ذكرت اني من زمان
يوم انه امهلني الزمان
هذا ظلمت .. هذا جرحت .. ياما كذبت
وذنوبي ماتحصي كثير
وقتها الىا ندمت .. ونفسي كرهت
عرفت ان الله كبير وان الهلاك اصبح اكيد
واني انا مالي رجاء .. ولاهروب من الدجا
من الجحيم الا بأمل عندي وحيد
ان الله غفار ورحيم
ابسألك ياصاحبي عني في وقتها
ماني فقير ؟؟؟


--------------------------------------------------------------------------------

جاني الخبر

جاني الخبر يا صاحبي واظلم الكـــون...........قــــدام عيني ثم نطقت الشهاده

على العــمــوم اقــولـها الف مـليـــون...........مبروك من قلب شكالــك بعــاده

مــبروك لا يهمــك سواليف وضـنـــون............من عاشق يهديك فــرحة فــؤاده

ســو الــفرح اليوم وابليس مـــلعـــون ...........واللي يشـب الــنار يجني رمـاده

انا اول الــعـالم على القصر يلفـــون...........أول معازيم الفــــرح والحـــــداده

ابشر انا برقص على العرس بالهــون ........ كـــل يعبـر فرحتـــه بــأجتــهاده

لو الـــبلا رقــــصي يقولون مزيــون...........المــشكــله الــقلــب يـفضـح وداده

يـوم الـعذارى في دخــولـك يغنـون...........وعروسك بأحلــى ثــواني السعاده

كـنت اتــمنى بـــدالها والـله اكـون..........وأحط أنا كــفي تحت راســك وساده

واشلون ابكتم صرختي يوم تمشون..........تــكـفى خذنــي للعــــروسه قـــلاده

حتــى معـازيـم الفرح قامو يمشون..........وأصبحت أنا وحــدي بدون أستفاده

وأطفو عــلي الـنور من غير يدرون..........قـــصر الفــرح ياقـبرنـــوره ومهاده

وصــيتي لـو جاك بـنت وانا امـون.......... سميتهــا لك منيره قبـــل الـــولاده

--------------------------------------------------------------------------------

انسي كلامي

ياقلبي مو هذي اللي قلت لي عنها صدقني طاوعني وخذ كلامي

تقول لي انها اللي كانت تكلمني ذاك الكلام وعجبها كلامي

تقول لي انها اللي كانت تكلمني وتمدح شعري وكلامي

تقول لي انها وعدتني اني أشوفها وأبادلها من كلامي

لاتقول شي الا وانت متأكد شفني سألتها وكذّبت كلامي

تِذكُر يا قلبي يوم سألناها ؟ كيف كنا نرجف وماطلع كلامي

وقالت لي مو أنا اللي كلمتك وحست اني افتريت في كلامي

بس احساسي يقول هيا اللي كانت تكلمني هذا آخر كلامي

واللي مأكد لي هالكلام بسمتها وربكتها في وقت كلامي

ليت كلامي معها طال وطال كان مانسيَت كلامي

وكان اتفنَّنت وبدعت وكلمتها من معسول كلامي

مالك يا قلبي الا انك تكرر كلامك معها اسمع كلامي

رح وقل لها انا اللي قدم لك رسالة فيها كلامي

رح وقل لها اني متأكد انك انتي وأنا متأكد من كلامي

رح وقل لها مافي أحد غيرك والا مو عاجبك كلامي

رح وقل لها انك انتي اللي كلمتيني وماسمعتي كل كلامي

رح وقل لها انك ماعطيتيني فرصة وماخلصت كلامي

ومافيها شي لو قلتي انك انتي ! راح تختصري كلامي

وبالعكس كان اهديتك خواطر وأشعار من أحلى كلامي

وياخوفي تكوني مو انتي اللي كلمتيني ويضيع كل كلامي

وياخوفي ماتبي تبيني لي انك انتي وتحيريني في كلامي

على بالك تعذبيني ماتدري انك تبعديني وتهزأي بكلامي

عموماً انا ماراح أسوي شي الا لما تردي على كلامي

وان ماكان ودك تردّي لا تردّي بس سجلي كلامي

وان كنتي تبيني أبدأ فنجوم السما أقرب ! وانتهى كلامي

لحظه لحظه .. اسمعي هالكلمتين واعتبريها آخر كلامي

!!.. انسي كلامي

--------------------------------------------------------------------------------

مافي مثلك

مافي مثلك بهالدنيا لو درت ولفيت

أي والله أقولها بقلبي مع اني عنك صديت

لكن انتي ملاك وانا فعلاً غيرك لقيت

بس مالقيت من يحس فيني اذا بكيت

انتي الوحيده تضميني اذا نمت وصحيت

وتداوي جراحي اذا تكلمت أو حكيت

حاولت ألقى حبيبه بس غيرك ما حبيت

حاولت أشكي لغيرك بس ما شكيت

وان شكيت باللي فصدري ماوفيت

أنهيت كل علاقاتي بس حبك مانهيت

ورميت ذكرياتي بس ذكراكِ مارميت

بالحيل مشتاق لك ولحنانك حنيت

أحبك وعن حبك لحظه ماسهيت

ومهما غبت عنك حبك مانسيت


--------------------------------------------------------------------------------

دمعة نــدم

دمعة نــدم سالــت علــــى خد الاوراق
سالت قهر من حزنـــي الـلي خــنــقهــا

يوم أنكسر جفن السهر قـــالـــت فراق
غصبً على كل المشاعـر دفــقـــهـــــا

ترسم معالم لوحة انســان مشـــتـــاق
لعيون خلانــه.. حيـــــاتــــه شنـقهـــا

يبكي من اللوعه صــدى حـر الاشـواق
وعينه من الفرقـا تــمــــادى أرقــهـــا

صبره قضى...جسمه نحل خاطره ضاق
وأبـــواب حـظـــه كــل ابـوهـا طـرقـهـا

حظه على دروب التــوافيـــق منعـــاق
يطرد ورى ذكرى عجــز مـــالحقهــــا

قلبه من الحسره مع الهـــم مــنســـــاق
يحمـــل خطــــــايــا كلمــة مانــطــقهــا

ياللــي غرســت بداخلي جرح الاعمـــاق
أشكــيــك للــي نفس عـبــــده خلــقهـــا

دام المحــبــه تحـرق العاشق أحــــراق
ياكــبــر حــظ اللــــي حياتـــي حرقهــــا

بأســبــاب دمعة جرحت خـــــد الاوراق
أمــا نــدم....وإلاحــزن اللي خــنقهـــــا

قصيدة الإيميل

فيروس هجرك عطل القلب تعطيل
ودمر ملفات الفـرح فـي حياتـي

ياللي سكنت القلب من دون تحميل
متـى لموقعنـا تشـرف وتاتـي

عنوانكم ماهوب ياهـو و"هتميـل
عنوانكم روحـي وقلبـي وذاتـي

كم مرةٍ أرسلت لـك عبر"الإيميـل
وأدورك فـي "منتـداي وشـاتـي

وأرسلت لك يازين فيلٍ ورى فيـل
فيها الغلا والحب يأغـلا أمنياتـي

وأرسلت لك قصة عذابي مع الريل
ياللي غيابك هـو سبايـب شقاتـي

دايم عليك أبحث بياهـو و قوقيـل
وأنـت ولا تسـال علينـا بتاتـي

خابرك بنتم فور أصلـي و أنتيـل
لكن خسـارة غيـروك الوشاتـي

وكان الهكر غروك بالقال والقيـل
بأدعي عليهم في سجودي وصلاتي

ياجعلهـم بقعـاء وطيـرٍ أبابيـل
ترمي عليهم بأمر ربـي حصاتـي

يرضيك من حبك غدى منهك الحيل
ريقي غدى ناشف ويبست شفاتـي

أقضي الليالي دمع عينـي هماليـل
لامـن طريتيلـي تبـدد مبـاتـي

صحراي جفـت مالفانـا مخاييـل
وأنت المزون اللي تـروّي نباتـي


لاتصـدق مـن يقـول انـي نسيـتـك


لاتصـدق مـن يقـول انـي نسيـتـك

.........من يقول اني هويت انسان ثاني

لك حبيبـي نبـض قلبـي مـن لقيتـك

.......لك دموعي..لك خفوقي..لك حناني

شف عيوني هـي تقـول انـي هويتـك

.......شف خفوقي من بعادك هو يعاني

تسكـن بقلبـي وفـي عينـي مبيـتـك

......بك صدى صوت بأشواقه دعانـي

بك أعيش ومـن بحـر حبـي رويتـك

.......قلبك العاشق ومن عشقه كسانـي

لـو تبـي هالـروح ماتغلى..عطيتـك

......اطلب البسمة وبك جرحي نسانـي

بس أبيك اتكـون فـي قربـي رجيتـك

.......جيت لك بهديك عمري مع زماني

حيـل أحبـك ياسمـا عمـري فديتـك

........حيل أحبك ماحد غيرك حوانـي

لاتقـول الـيـوم انــي ماهويـتـك

........قول قلبي مايعيشه شخص ثانـي [center][center][left]

مشكوووووووووووورة أختي الغالية " ليالي القمر "

على هذه الأشعار المليئة بالدفء


والإحساس الدافئء


تقبلي خالص إحترامي


مووودي

مشكووووووووووووووووووووووورة ليالي
على المشاعر الرائعة بجد روعة
الله لا يحرمنا من هالطلة ياااارب

شكرا الكو اكتييييييييييييييييييييييير




وشكرا علي مروركو الطيب

مشكووووووووووووووور اكتير

اختي ليالي القمر

على هذه القصيدة الرائعة والشيقة

وشكرا


اخوكم ابو عدنان